പ്രധാനമന്ത്രി നരേന്ദ്ര മോദി ആഹ്വാനം ചെയ്ത ഐക്യദീപത്തില് പങ്കെടുത്തില്ലെന്നാരോപിച്ച് ഹരിയാനയിൽ ദളിത് കുടുംബത്തിനെതിരെ ആക്രമണം നടത്തിയ കേസിൽ മൂന്ന് പേരെ പോലീസ് അറസ്റ്റ് ചെയ്തു. പൽവാൽ ജില്ലയിലെ പിംഗോര് സ്വദേശിയായ ധനപാലിന്റെ കുടുംബത്തിന് നേരേയാണ് ആക്രമണമുണ്ടായത്.
Aswathi V | Samayam Malayalam | Updated:
ഐക്യദീപത്തിൽ പങ്കെടുത്തില്ലെന്ന് ആരോപിച്ച് ദളിത് കുടുംബത്തിന് നേരെ ആക്രമണം; മൂന...
ദില്ലി: കൊറോണ വ്യാപനത്തിന്റെ ഇരുട്ടിനെതിരെ പ്രധാനമന്ത്രി നരേന്ദ്ര മോദി ആഹ്വാനം ചെയ്ത ഐക്യദീപത്തില് പങ്കെടുത്തില്ലെന്നാരോപിച്ച് ഹരിയാനയിൽ ദളിത് കുടുംബത്തിനെതിരെ ആക്രമണം നടത്തിയ കേസിൽ മൂന്ന് പേർ അറസ്റ്റിൽ. അങ്കിത്, സച്ചിന്, പവന് എന്നിവരെയാണ് പല്വാല് പോലീസ് അറസ്റ്റ് ചെയ്തത്. കേസിലെ മറ്റുപ്രതികള് ഒളിവിലാണെന്നും ഇവര്ക്കായി തിരച്ചില് തുടരുകയാണെന്നും എസ്എച്ച്ഒ ജിതേന്ദ്രകുമാര് അറിയിച്ചു.
പൽവാൽ ജില്ലയിലെ പിംഗോര് സ്വദേശിയായ ധനപാലിന്റെ കുടുംബത്തിന് നേരേയാണ് ആക്രമണമുണ്ടായത്. മാർച്ച് അഞ്ചിന് രാത്രി ഒമ്പത് മണിക്ക് ഒമ്പത് മിനിറ്റ് വെളിച്ചം തെളിയിക്കണമെന്നായിരുന്നു പ്രധാനമന്ത്രിയുടെ ആഹ്വാനം. അന്നേദിവസം രാത്രി ഒമ്പതരയോടെ ഗുജ്ജാര് വിഭാഗത്തില്പ്പെട്ട എട്ടോളം ആളുകൾ വീട്ടില് അതിക്രമിച്ചുകയറി ഐക്യദീപത്തില് പങ്കെടുത്തില്ലെന്ന് ആരോപിച്ച് തന്നെയും കുടുംബത്തെയും ആക്രമിക്കുകയായിരുന്നുവെന്ന് ധനപാൽ പോലീസിന് നൽകിയ പരാതിയിൽ പറഞ്ഞു. കൂടാതെ രാത്രി മുഴുവനും വീട്ടിൽ ലൈറ്റ് ഇടാതെ ഇരുട്ടിൽ തുടരണമെന്ന് ഭീഷണിപ്പെടുത്തുകയും ചെയ്തിരുന്നു.
രണ്ടു കുട്ടികളുൾപ്പടെ ഏഴു പേരടങ്ങിയ കുടുംബമാണ് ധനപാലിന്റേത്. ആക്രമണത്തിൽ കുടുംബത്തിലെ അംഗങ്ങൾക്ക് പരിക്കേറ്റിട്ടുണ്ട്. ഇരുമ്പ് ദണ്ഡും വടിയും കല്ലുകളും ഉപയോഗിച്ചാണ് പ്രതികൾ ആക്രമണം നടത്തിയത്. ആക്രമണത്തില് വാതിലുകളും ജനാലകളും തകർന്നു. വീടിന് മുന്നിൽ നിർത്തിയിട്ട വാഹനങ്ങള് അക്രമികൾ തകർത്തതായും ധനപാന് പറഞ്ഞു.
പൽവാൽ ജില്ലയിലെ പിംഗോര് സ്വദേശിയായ ധനപാലിന്റെ കുടുംബത്തിന് നേരേയാണ് ആക്രമണമുണ്ടായത്. മാർച്ച് അഞ്ചിന് രാത്രി ഒമ്പത് മണിക്ക് ഒമ്പത് മിനിറ്റ് വെളിച്ചം തെളിയിക്കണമെന്നായിരുന്നു പ്രധാനമന്ത്രിയുടെ ആഹ്വാനം. അന്നേദിവസം രാത്രി ഒമ്പതരയോടെ ഗുജ്ജാര് വിഭാഗത്തില്പ്പെട്ട എട്ടോളം ആളുകൾ വീട്ടില് അതിക്രമിച്ചുകയറി ഐക്യദീപത്തില് പങ്കെടുത്തില്ലെന്ന് ആരോപിച്ച് തന്നെയും കുടുംബത്തെയും ആക്രമിക്കുകയായിരുന്നുവെന്ന് ധനപാൽ പോലീസിന് നൽകിയ പരാതിയിൽ പറഞ്ഞു. കൂടാതെ രാത്രി മുഴുവനും വീട്ടിൽ ലൈറ്റ് ഇടാതെ ഇരുട്ടിൽ തുടരണമെന്ന് ഭീഷണിപ്പെടുത്തുകയും ചെയ്തിരുന്നു.
രണ്ടു കുട്ടികളുൾപ്പടെ ഏഴു പേരടങ്ങിയ കുടുംബമാണ് ധനപാലിന്റേത്. ആക്രമണത്തിൽ കുടുംബത്തിലെ അംഗങ്ങൾക്ക് പരിക്കേറ്റിട്ടുണ്ട്. ഇരുമ്പ് ദണ്ഡും വടിയും കല്ലുകളും ഉപയോഗിച്ചാണ് പ്രതികൾ ആക്രമണം നടത്തിയത്. ആക്രമണത്തില് വാതിലുകളും ജനാലകളും തകർന്നു. വീടിന് മുന്നിൽ നിർത്തിയിട്ട വാഹനങ്ങള് അക്രമികൾ തകർത്തതായും ധനപാന് പറഞ്ഞു.
No comments:
Post a Comment