ഇയാളുടെ അവസാന പരിശോധന ഫലം നെഗറ്റീവായിരുന്നു. ഒരു ഫലം കൂടിവരാനുണ്ടെന്നാണ് റിപ്പോർട്ടുകൾ വ്യക്തമാക്കുന്നത്. ഇന്ന് പുലർച്ചെയാണ് മരണം റിപ്പോർട്ട് ചെയ്യപ്പെട്ടത്.
Lijin K | Samayam Malayalam | Updated:
കൊവിഡ് ഭേദപ്പെട്ട് നിരീക്ഷണത്തിലായിരുന്ന കീഴാറ്റൂർ സ്വദേശി മരിച്ചു
മഞ്ചേരി: മഞ്ചേരി മെഡിക്കൽ കോളേജിൽ കൊവിഡ് നിരീക്ഷണത്തിലായിരുന്ന മഞ്ചേരി സ്വദേശി മരിച്ചു. കൊവിഡ് ഭേദമായെങ്കിലും നിരീക്ഷണത്തിൽ തുടർന്നിരുന്ന മലപ്പുറം കീഴാറ്റൂർ സ്വദേശി വീരാൻകുട്ടി (85) ആണ് മരിച്ചത്. ഇയാളുടെ കൊവിഡ് പരിശോധനാഫലം ഒരാഴ്ചമുമ്പ് നെഗറ്റീവായിരുന്നെങ്കിലും നിരീക്ഷണത്തിൽ തുടരുകയായിരുന്നെന്നാണ് അധികൃതർ പറയുന്നത്.
ഇയാളുടെ ഒരു പരിശോധനാ ഫലം കൂടി വരാനുണ്ടെന്നും അതിനു ശേഷമേ കൂടുതൽ സ്ഥിരീകരണം നടത്താൻ കഴിയുമെന്നുമാണ് റിപ്പോർട്ടുകൾ. ഇന്ന് ഉച്ഛയോടെയാകും അവസാന പരിശോധനാ ഫലം പുറത്തുവരിക.
കേരളത്തിൽ കൊവിഡ് കേസുകൾ കുറഞ്ഞ് വരുന്നതിനിടെയാണ് രോഗം ഭേദമായ ആൾ മരിച്ചെന്ന റിപ്പോർട്ട് പുറത്തുവരുന്നത്.
No comments:
Post a Comment